Molten Lava cake

المولتين كيك عادية بس بدون نتفة طحين آو دقيق في لغة اللي على اليسار وهذا الشيء هو اللي يميز هالوصفة ..

المعروف عالميا عن هذه الوصفة انها تتخزن في الثلاجة وتنخبز في اليوم الثاني ..
لكن نحن شعب عجول فـ مو مشكلة تخبزي هالوصفة في نفس الوقت ..
لكن بالفعل تكون آلذ لو تركتيها في الثلاجة لمدة 24 ساعة


متى ناكل هالسويت ؟!!!
آحس احسن وقت هو العصرية .. اما بعد الاكل مرررررة ما يجي منها , لأنها ماشاءالله دسمة شويتين
يعني اللي بتعمل دايت تاخذها كمكآفأة ليها كل اسبوعين P:

نبدأ بالمقادير

أول وآهم شي في هذا السويت هو الشوكولاتة ..
على حسب نوعها راح يتكون لك طعم السويت ..

هذه هي شوكولاتتي القميلة ,, استخدم القوالب الكبيرة من backe mate يا آنه هذا المكان سبب في تفليسي بطريقة مو طبيعية
' طبعا هذه بالحليب و نسبة الشوكولاتة فيها 41% , راح تستخدم 180غ





واسهل لك ان كنت تستخدمي القوالب الكبيرة هو انك تقطعيها بالسكين المنشار مرة اسهل . السكين العادية جدا متعبة





وكمان حنحتاج 3 بيضات كبيرة + قالب زبدة 113غ
زبدة المراعي النحيفة اللي نستخدمها تكون 100 غرام فأنا ازود عليها واقيس بالميزان , ما راح اقول لك 113 غ بالضبط .. لكن 110 كويسة





نفصل الصفار عن البياض ونحتاج ملعقة كبيرة فانيلآ سائلة

+ 1/3 كوب سكر ناعم مو مطحون ×× ولا خشن .




وئ زعلت الصفار ما كان ضابط معايا

<< وهذه صورة السكر ولا تزعلوا P:




شايفين قد ايه مقاديرها سهلة ..
حتى انا اللي مستحيل احفظ اي وصفة مهما كانت زغنوطة ولازم ولازم ادخل المطبخ بدفتري قدرت احفظها
طبعا الكمية تكفي لـ 6 آشخاص


طيب نجي للطريقة ..

اول شيء سخني الفرن على درجة c200 ونبدأ بتسييح الشوكولاتة

نسيت ما اقول بالعادة لما اعمل اللافا كيك استخدم 160غ شوكولاتة بالحليب و 20غ شوكولاتة سوداء نسبتها 62%

سخني مقدار من الموية ارتفاعها في القدر اللي بتستخدميه ما يزيد عن انملتين بس ..
لأنه آحنا نبغى نسييح الشوكولاتة على البخار مو على الموية نفسها

بس تبدأ الموية تفور





على طول ارخي النار







وحطي زبدية الشوكولاتة

الشوكولاتة حنسيحها مع الزبدة ..












مثل ما انتوا ملاحظين الزبدية تبع الشوكولاتة اكبر من حجم القدر وهذه الحركة جدا مهمة
ليه !! عشان ما نخلي بخار الموية يرتجع على الشوكولاتة وهذا الشيء حيخرب تركيبتها وبالتالي طعمها






طيب بعد ما تسيح الشوكولاتة والزبدة كويس , نطفي النار ونخلي صوص الشوكولا على جنب





طيب دحين ناخذ صفار البيضات الثلاث + ثلث كوب السكر
ونخلطها بخلاط الكيك حتى يصير لونها زي كذا ..




بعدها نضيف ملعقة الفانيلا الكبيرة ونكمل خلط على الخفيف ونوقف .





نضيف الصوص على صفار البيض ونكمل خلط بخلاط الكيك .. حتلاحظي انه الخليط بيثقل معاكي .. و هذا هو اللي نبغاه
خليه يتقل شوي وبعدها وقفي خلط





يصير مثل الصورة .. ومع الوقت حتلاقي انه الخليط صار اثقل شويتين

دحين حنحتاج نسوي ميرانغ .. في زبدية ستيل ثانية اخفقي بياض البيض مع رشة ملح حتى يوصل لهذه المرحلة





هنا نضيف ملعقة كبيرة سكر





ونكمل خلط الميرانغ حتى يوصل لهذه المرحلة ..
شوفوا لسا ما تكون منقار الطير .. بس صار راكز وفيه لمعة احنا نبغاها زي كذا .





اللحين عشان نخفف قوام خليط الشوكولاتة الثقيل نستخد ثلث كمية الميرانغ ونحركها باستخدام السباتيولا






لما تخف تماما نضيف باقي مقدار الميرانغ ونحرك بخفة .. حتى يمتزج اللون الابيض بالبني
ويصير هيك








نكون مجهزين على جنب صحون السوفليه .. مدهونة بمقدار من الزبدة ومرشوشة بسكر ..

آتذكر اول مرة جيت ارش السكر على الصحون سويت لي فيلم
كنت اخذ السكر بيدي واقعد ارشرش على اطراف الصحن ؟!!

طبعا الطريقة الصح هي انك بعد ما تدهني الصحون بالزبدة تحطي مقدار من السكر في الصحن وتلفيه داير ما يدور
وتكبي السكر الباقي في الصحن التاني وهكذا حتى نفاذ الكمية .





جربت هنا اسويها على صحنين مختلفين بالكمية نفسها ..

طبعا عبيت الصحون لحد فمها الا قليلا ودخلتها الفرن لمدة 10 دقايق بس ..
الصحون الواسعة اللي ما هي مرتفعة كانت هذه نتيجتها





والصحون المرتفعة كانت هذه نتيجتها