وصية الى صديق

وصاتي لك من بعـدي تمـوت فيهـا علشانـي
ابيها تعيش و تحيا بك واظل بالذاكـره مفقـود
وصاتي لك تنسيها ملامـح وجهـي و تنسانـي
وتعزفها قصيدة حب على عكس اللي عزفته بعود
وصاتي لك تبعدهـا عـن اشعـاري وقيفانـي
تراها مغرمة بالحيل ويشهد لـي عـدد الـردود
وصاتي لك تسايرها ترى فيهـا مـن احزانـي
طلبتك لايضيق بالك طلبتـك والطلـب مـردود
وصاتي لـك تناديهـا حياتي..عمري..ازمانـي
انـا عودتهـا دايـم ادلعهـا وانـا مـوجـود
وصاتي لك تعاملهـا بطيبـه قلـب و احسانـي
تراها تـذرف الدمعـه ودمعتهـا بليٌـا حـدود
وصاتي لـك تحفظهـا سـور وآيـات قرآنـي
وتخبرها عـن الميـت رحـل لايمكنـه بيعـود
وصاتي لـك ترسمهـا علـى قبـري وأكفانـي
ابيها لوحة تبقى علـى طـول الزمـن محـدود
وصاتي لك تمازحها وتشوف الضحكة بأسنانـي
سعيتك ياضحك هالكون طلبتك لاتصيـر جلمـود
وصاتي لك تقهويهـا مـن دلالـي و فنجالـي
تراها تعشق السمـرا ويكفيهـا دخـون العـود
وصاتي لك تركبها على خيلي و على حصانـي
وربي فارسة من قلب شهـادة ماهـي لشهـود
وصاتي لـك تسفرهـا بـلاد الشـام و لبنانـي
ترى يحلالها تقطف ورده وردة من بلد الـورود
وصاتي لك تراقصهـا علـى الحـان رحبانـي
ترى فيها عرق خالة وفيها من جنـون السـود
وصاتي لـك تحببهـا فأبونـورة بعـد هانـي
وتنسيها ندم غلطة انا فيهـا تـرى المقصـود
وصاتي لك تكرههـا فـي تاريخـي و عنوانـي
أبيها تلعن اللحظة وتلعـن كـل فـرح موعـود
وصاتي لك تكلمها عن المجني وعـن الجانـي
وتخليني انا الظالم وانـا مـن حـرق الاخـدود
وصاتـي لـك تشبهنـي بـدم أحمـر قـانـي
وانا هالقاتل السفاح مجرم مـن عصـر نمـرود
وصاتـي لـك تحلفهـا تتـوب تحبنـي ثانـي
ترى يكفيها ماعانـت ويكفـي حيلهـا مهـدود
وصاتي لـك تنسيهـا وصيـة قالهـا لسانـي
أنا اخبرك رجل موقـف وانـت قدهـا وقـدود
صديقي مالقيت غيرك يعرف وشلـون تنسانـي
أمانه ضمها بقلبك تـرى خالـد رحـل مايعـود

سلمت يمناك يالغلا
كلمات رائعه كروعه حضورك
اختيار رائع ومتميز
لا خلا ولاعدم
يعطيك العافيه

مودتي

خخخخخخخخ
اخجلتيني
يسلمو على المرور

منورة

شكرا كين\ا على المرور الأكثر من رائع

مبدددددددددددددددددددددع مشاءالله ربنا يحفظك

شكرا على مروركم المنور

يسلمو

شكرا لك على القصيدة