وعليكم السلام خويا سيلفر
صفا ؟
قدور و اسمهان
زوجان نوفو زواج من طبيعة نتزوج بوليد عمي حيث قدور زوج يغلبو رمضان بزاف حيث رمضان لول لم يلتقي بزوجته ابدا على الطابلة تاع الفطور لاسباب طبية وصحية بالنسبة للمرأة يا يد مكسورة ياعين طالعة ..الخ
في اول ايام رمضان العام الثاني من زواجهما قرر ان يفطر معها . عيطلها وقللها يا طفلة راح نفطر معاك اليوم ونشالله رمضان كامل يعقب معاك فرحت المخلوقة واكملتها يتزغريدة تاع فتاة سورية بلكنة جزائرية وعلى غفلة جائها دماغ للنيف من عند قدور بمقولة راسي يوجع وانتي تصدعي فيا لم تبكي ولم تفعل شيء سوى انها قالت اليوم نديرلك فطور لاشوندال وذبت مهرولة للكوزينة لكي تعوم في الزيت . قدور المسكين فهم لاشوندال معيشة الذر والذل لكنه كوف روحو لان بنت عمو قارية ومدية ليسونس في اللغات 4 سوايع وخونا يهبط ويطلع يحوس على لاشوندال هاذي وشنو حتان قال بلاك ماكلة تاع هذيك حورية المطبخ ولا كاش عفسة من فتافيت
قبل اذان المغرب بـ5 دقايق سمع الطبطيب راح يفتح لقى نسيبتو ومعاها ولاد وليدها الكبير الا وهم عنتر ويحي وزاكي وحليم وخيرة ومسعودة وايمان و حسام و علاء
رحب بيها خارجيا بعد ان فطر في قلبه باطلاقه جميع الشتائم والتطياحات وهو يوقل ضرك ياكلولي لاشونذال تاعي قعدو على الطابلة وهو ينذر للذر لي جابتهم معاها ويقول انجولينا جولي تمشي وحدها مع براد بيت ونتي بقاتلك حزقة وتموتي جايبة هاذو كامل معاك زعما خايفة يسرقوك ولا يخطفوك وهو في حالت الغضب هذه قتلو نسيبتو يا راجل وشبيك وليت حمر ولاه راك تمتم هكذا ضحك الرجل ضحكة بلعي فمك بقات دقيقة ونفطرو بعد ثواني اذن المغرب وكان الفطور عاديا واصبح الرجل ينظر الى زوجته نظرات لاشوندال وين راهي بعدها قصد احراج زوجته امام يماها قللها يامرا وين لاشوندال لي جبتو مقبيل ياك قتلك طيبيه اليوم اصبحت اسمهان المسكينة تقول اسكت ربي يعيشك يما هنايا كيفاش نحطلك لاشوندال والذراري معانا ونسيبتو تضحك علنا والذر يتغامزون ويقولون لاشوندال بعدها ليصحح الرجل غلطته قال للعجوزة شفتي بنتك شحال مسمارة انا شريتلها لاشوندال وهي تستسمر في الذراري مساكن بعدها قامت المسكينة اسمهان وضربت الطابلة وهي في طريقها الى غرفتها بعث فيها المدعو قدور كاس من رمية نوعها وين تروحي نجيبك وتبهدلي فيا والذر يضحكو عليا قبل ان تصل الفتاة الى الباب فجغها الكاس لكي تسيل الدماء في كل مكان اغلقت الباب وهي تدهن نفسها بزيت الزيتون في الجرح وبافقي الافراذ يضحكون على الحان الحاج لخضر من الذر على الحان لاشوندال ويماها بردة القلب على الحان كان ديتي وليد ختي خير من المسوفج هذا وقدور يضحك وهو يخمم ما معنى لاشوندال
العبرة من القصة جامي تتزوج بطفلة عندها حس ابداعي ورومانسي لانك ستقتلها بعد ان تكتشف ماهو لاشوندال
المهم ماديروش عليا وهذا وين نضت وغير نضت لقيت روحي نكتب معلاباليش علاه
المعدل الي نحلم بيه
و آلا 
