كل هالدنيا بلايا
والله عالم بالنوايا
قد سمعت الحب قاتل
لكن ما اعرف بالخبايا
ما خطر بالبال لحظه
أني واحد من الضحايا
ليتني ما عشت ساعه
ليتني ذقت المنايا
ماقصدت اجرحك روحي
لا ولا هي لي سجايا
انتي في قلبي وحيده
انتي يازين الصبايا
انتي فيك الفين شاعر
حارو في وصف المزايا
اعرف اني كنت مذنب
واعترف بكل الخطايا
فاهم ان جرحك عميق
وان بري تبقى بقايا
وش يبي ينفعك نظمي للقوافي
او كثير من الهدايا
ما كتبت احساس شاعر
والقوافي هي مرايا
عاكسه همي وغمي
والشقا ناصب سرايا
في فؤادي في عيوني
الحزن خذ له مطايا
من ابوي حفظت مبدأ
احسبه سر القضايا
الرجال أسود لا
ما تزلزلهم رزايا
والله لو ما هو بعار
لأنتحب مثل السبايا
رغم عني سال دمعي
وبالخدود كتب وصايا
لو أموت تسامحيني
وبالدموع أسقي ثرايا
وأفهمي ما كنت قلت
وأتبعي مني خطايا
وأختم ابياتي ببسمه
تشهد اني من البرايا
من بني الأنسان أصلي
وأدعي ربا ذا عطايا
