قـل ((مـا أحبـك)) وانتـهت كـل الامـور ‏

قلها واخلص لا تراعي لي شعور..
ادري انك عن غرامي ما دريت..

صار لك ساعه تلف بها وتدور..
ما فهمت ..الا عسى.. وودك .. وياليت..

قل ((ما أحبك)) وانتهت كل الامور..
خذيت كل اللي تبي مني وقضيت؟

ما عليك أنا على الفراق صبور..
وبعت في سوق الهوى هم وشريت..

لا تكدر خاطرك ... رح معذور..
غلطتي واتحمل انا اللي بديت..

وانت لو قصرت ما منك قصور..
الخطا مني ولوي ما اخطيت..

مر في سيرة هوانا لو مرور؟..
واذكر انك قد شكيت وقد بكيت..

واكتب في دفترك عني سطور.؟
اكتب اني عقب زولك ما قويت..

وان خذاك ملحك الى حد الغرور!..
جاني املح منك لكن ما بغيت..

هي مقادير وخذتنا للدبور..
ما سعيت لها انت وانا ما سعيت..

وان بغيت الشور عني صدق شور؟..
جرب دروب الهوى ورد ان غديت..

شكرًا لك على الموضوع
بانتظار جديدك دائمًا