يا ود .. ما كل البشر.. تفهم الود ..~

يا ود كل الناس .. والناس لك ود
عطني ودادك .. كان تبغى ودادي

ماجيت لك رقم ٍ واكمل لك العـدّ
ماجيت لك توّي مع الشعـر بادي

ماجيت لك من منتدى واشتكي صد
ماجيت لك شاعر مع النـت غادي

جيتك بحـَر يغلب على جزره المد
هادي .. ولو يكثر به الموج هادي

جيتك مـلـك مشـاعـره مالها حــد
جيتك مـلـك باسلوب ماهو بـ عادي

جيتك مـلـك ماله خصيم ٍ ولا نـد
جيتك مـلـك يحـب صفح الايادي

عندي مبادي .. عنـّهـا ما اتـردد
وانا افتخر لا قلت.. عندي مبادي

صادق واشوف الصدق لابدّ.. لابدّ
عنيد .. لو يرفض رفيقي عنادي

شفاف .. ما احـب المجامل مع الرد
طبعي كذا واضح.. صريح.. وحيادي

السلام عليكم ورحمة الله وبركاته
بسم الله الرحمن الرحيم و الصلاة والسلام على رسول الله..

ابيات جميله جدا
سهلة الفهم ورائعه
اعجبني البيت الرابع
"جيتك بحـَر يغلب على جزره المد
هادي .. ولو يكثر به الموج هادي"
وكذلك الخامس والسابع..
البيت السابع افضل الابيات
اتمنى وضع اسم المؤلف.

السلام عليكم ورحمة الله 
شكرا لك على الموضوع الراائع سلمت يداك
وفي أنتظار جديدك، دمت بخير

شكرا لك على الموضوع

شكرًا لك على الموضوع
بانتظار جديدك دائمًا