1) جلي فراولة تقريباً علبتين أو حسب عدد الكاسات إللي بتسوين فيها الحلى ..تسوين الجلي بالطريقة المبينه بالعلبة ثم تحطينه بكاسات إلى نصف الكأس علشان إذا حطيتيه بالثلاجه وميلتيه ماينكب والأفضل تغطين الكاس بتغليف بلاستيك وتتركينه إلى أن يتماسك تماماً .
2)تسوين مقادير الكريمة
المقادير :
قشطة
2 دريم ويب
6 حبات جبن كيري
علبة جلي فراولة تحطينه بكوب وتصبين عليه مويه حارة وتدخلينه الثلاجة حتى يصير دافي .. تخلطين بالخلاط القشطة والدريم وتضيفين الجبن حبه حبه .. حتى تتكون كريمة كثيفة .. ثم لين يدفى كآس الجلي إلي بالثلاجة تصبينه عالكريمة بحيث يتحول لونها و يصير وردي وتخلطينها شوي ثم لو حبيتي تبردين الكريمة شوي بعدين تطلعين كآسآت الجلي إلي مميله بالفريز وتحطين عليها الكريمة بالملعقة الصغيرة تحطين مقدار بعدها تساوينه بالملعقة علشان ما تطلع مساحات وفراغات ويصير شكله مو مرتب .
3) بعدين تسوين كريمة خفق أو واحد دريم ويب مع فنجال حليب سايل بارد
وتخلطينهم حتى تطلع كريمة كثيفة وتزينين بها الكآسات بالأقماع التزيين
