اسپانيا (اسپانى: España; نطق: [esˈpaɲa]) او "مملكة اسپانيا" هى دوله أوروبيه بتطل على البحر المتوسط من ناحية الجنوب و المحيط الاطلنطى من ناحية الغرب. و ليها حدود مع فرنسا و اندورا و البرتغال و المغرب.
اسپانيا دوله ملكيه دستوريه و ديموقراطيه برلمانيه و عضو فى الاتحاد الاوروبى من سنة 1986 و عضو فى الناتو من سنة 1982. اسبانيا دولة متقدمة و اقتصادها تاسع أكبر اقتصاد فى العالم و الخامس فى الاتحاد الاوروبى و مؤشر نوعية الحياة فيها السبعتاشر أعلى تصنيف فى العالم.[5]
عاصمة اسپانيا هى مدريد اللى هى كمان أكبر مدنها, و الاسپانى أو الكاستييانو هى اللغه الرسمى للدوله حسب الدستور الاسپانى بس فيه لغات تانية بتعترف بيها الدولة زى الباسكى و الجاليسى و الكاتالانى. سنة 2006 89% من الاسپان اعتبرو الكاستييانو لغتهم الأم.
عدد سكان اسپانيا 46951532 نسمه كان حسب تعداد سنة 2010, و مساحتها 504,030 كيلو متر مربع و بكدا بتكون تانى اكبر دولة فى غرب اوروبا بعد فرنسا حسب المساحة,و رابع أكبر بلد فى قارة اوروبا بعد روسيا, و اوكرانيا, و فرنسا [6], متوسط ارتفاع اراضى اسپانيا 650 متر فوق مستوى سطح البحر ده خللاها خامس أكبر بلد جبلى فى أوروبا بعد سويسرا, النمسا, أندورا و ليختنشتاين.
اراضى اسبانيا بتضم معظم شبه الجزيرة الايبيرية و ارخبيل جزر البليار فى غرب البحر المتوسط, و ارخبيل جزر الكنارى فى شمال شرق المحيط الاطلنطى و كمان فى شمال افريقيا, زى أماكن سيادة الحكم الذاتى فى ثيويتا و ميلييا, و أصغر المناطق جزر تشافاريناس اسپانى: Chafarinas, صخرة فيليز ديجوميرا وصخرة الحسيمة. اسبانيا بتشارك فرنسا فى السياده على جزيرة الفزان فى مصب نهر بيداسا و خمس فيساريات فى البيرينيه.
بسبب موقعها, أراضى اسبانيا طول تاريخها اتعرضت لمؤثرات خارجيه كتير و كتير من التأثير ده كان بيحصل فى وقت واحد من عصور ما قبل التاريخ و بدايات اسپانيا كبلد . و بالعكس البلد فى حد ذاته كان مصدر مهم للتأثير فى مناطق تانيه و على راسها خلال العصر الحديث لما بقت امبراطورية عالمية و سابت أكتر من 400 مليون واحد بيتكلمو اسبانى دلوقتى و ده خللا الاسبانى تانى اكبر لغه ام حسب عدد اللى بيتكلموها.
اسپانيا عضو فى الأمم المتحدة, الاتحاد الأوروبى, حلف شمال الأطلنطى, منظمة التعاون و التنميه الاقتصاديه, و منظمة التجاره العالميه. مدريد (اسبانى: Madrid نطق: [maˈðɾið], و بالعامية فى اسبانيا [mað̞ɾi]) هى العاصمه واكبر مدينه فى اسبانيا [7]. و تالت أكبر بلديه فى الاتحاد الأوروبى بعد لندن و برلين, و مدريد الكبرى هى تالت أكبر منطقه حضريه حسب عدد سكان المناطق الحضريه فى الاتحاد الأوروبى بعد باريس الكبرى و لندن الكبرى.
اسپانيا دوله ملكيه دستوريه و ديموقراطيه برلمانيه و عضو فى الاتحاد الاوروبى من سنة 1986 و عضو فى الناتو من سنة 1982. اسبانيا دولة متقدمة و اقتصادها تاسع أكبر اقتصاد فى العالم و الخامس فى الاتحاد الاوروبى و مؤشر نوعية الحياة فيها السبعتاشر أعلى تصنيف فى العالم.[5]
عاصمة اسپانيا هى مدريد اللى هى كمان أكبر مدنها, و الاسپانى أو الكاستييانو هى اللغه الرسمى للدوله حسب الدستور الاسپانى بس فيه لغات تانية بتعترف بيها الدولة زى الباسكى و الجاليسى و الكاتالانى. سنة 2006 89% من الاسپان اعتبرو الكاستييانو لغتهم الأم.
عدد سكان اسپانيا 46951532 نسمه كان حسب تعداد سنة 2010, و مساحتها 504,030 كيلو متر مربع و بكدا بتكون تانى اكبر دولة فى غرب اوروبا بعد فرنسا حسب المساحة,و رابع أكبر بلد فى قارة اوروبا بعد روسيا, و اوكرانيا, و فرنسا [6], متوسط ارتفاع اراضى اسپانيا 650 متر فوق مستوى سطح البحر ده خللاها خامس أكبر بلد جبلى فى أوروبا بعد سويسرا, النمسا, أندورا و ليختنشتاين.
اراضى اسبانيا بتضم معظم شبه الجزيرة الايبيرية و ارخبيل جزر البليار فى غرب البحر المتوسط, و ارخبيل جزر الكنارى فى شمال شرق المحيط الاطلنطى و كمان فى شمال افريقيا, زى أماكن سيادة الحكم الذاتى فى ثيويتا و ميلييا, و أصغر المناطق جزر تشافاريناس اسپانى: Chafarinas, صخرة فيليز ديجوميرا وصخرة الحسيمة. اسبانيا بتشارك فرنسا فى السياده على جزيرة الفزان فى مصب نهر بيداسا و خمس فيساريات فى البيرينيه.
بسبب موقعها, أراضى اسبانيا طول تاريخها اتعرضت لمؤثرات خارجيه كتير و كتير من التأثير ده كان بيحصل فى وقت واحد من عصور ما قبل التاريخ و بدايات اسپانيا كبلد . و بالعكس البلد فى حد ذاته كان مصدر مهم للتأثير فى مناطق تانيه و على راسها خلال العصر الحديث لما بقت امبراطورية عالمية و سابت أكتر من 400 مليون واحد بيتكلمو اسبانى دلوقتى و ده خللا الاسبانى تانى اكبر لغه ام حسب عدد اللى بيتكلموها.
اسپانيا عضو فى الأمم المتحدة, الاتحاد الأوروبى, حلف شمال الأطلنطى, منظمة التعاون و التنميه الاقتصاديه, و منظمة التجاره العالميه. مدريد (اسبانى: Madrid نطق: [maˈðɾið], و بالعامية فى اسبانيا [mað̞ɾi]) هى العاصمه واكبر مدينه فى اسبانيا [7]. و تالت أكبر بلديه فى الاتحاد الأوروبى بعد لندن و برلين, و مدريد الكبرى هى تالت أكبر منطقه حضريه حسب عدد سكان المناطق الحضريه فى الاتحاد الأوروبى بعد باريس الكبرى و لندن الكبرى.
