في البداية يوم
كنت نوووطفهـ ظنيت إني من كريات الدم البيضاء
ماعرفت إني من بني البشر إلا لما قالت( الدكتورهـ ) لأمي مبرووكـ ياست هانم
إنتي حامل
عاد أمي من الفرحة حطت ايدها على بطنها في المكان اللي أنا موجود فيهـ عرفت
إني المقصود وفهمت إني مشروع بني آدمي . .
بيني وبينكم ضاق صدري .. قلت وش لي بعوار الراس أطلع لعالم ثاني وأصير
إنسان وفي حساب وعقاب وأدرس .
همست لي عقلي قال إحمد ربك بتطلع وبيصير عندك إيميل وماسنجر 8 صحيح أنه
يملل بس ماعليه وتشترك في منتديات ,,
قلتله وأصير مشرف في منتدى قال اكل تبن إلا هذي .,
استانست أنا قلت أجل بطلع اللحين قال توه باقي تسع شهور (تحطيم)ـ .,
ولما صار لي خمس شهور كنت حاس إني ذكر بس قلت يمكن أكون بنت - لحوووول
جلست أقطع من الشعيرات الدمويه وأقول غلام فتاه.. صبي صبيه.. بزر بزرهـ
وأنا أفكر سمعت صوت أبوي يكلم أمي حاولت أركز شنو يقولها قربت إذني طلع
أبوي يتغزل في أمي
(تم تشفيره .....) كنت بتصل عليهم وأقول إستحوا أنا أسمعكم بس لم تسمح لي
الفرصهـ
بصراحهـ إستحيت من كلام أمي وأبوي قلت أنام أحسن لي عيب أتسمع عليهم بعدين
يعاقبني ربي
ويصير ولدي يتسمع علي
جلست أمص صبع ريولي لين نمت وبعد فترهـ سمعت صوت قوووي يتجه ناحيتي قمت
بطولي
إلا وطق راسي ببطن أمي آآآآخ بس قوة الصوت نستني الوجع الله لايوريكم جنه
شلااال ناازل علي أحاول أنحااش
مني ولا مني هني ولا هناك مافي مجال ربي ستر ومر يمي وماتأذيت طلعت أمي
الله يهديها
شربت مااي بكميه كبيره على غير العادهـ بس والله ونستني قعدت ألعب بالماي
بريووولي كنت بسبح بس ماعندي مااايوهـ ..
لما يي الشهر السابع راحت أمي ومعاها أبوي للدكتوره تطمئن أمي على صحتها
طبعا نامت أمي على الكرفايه وابوي واقف يمها ( بيحسسها بالأمان ) قلت حشااا
ليش هو انتي حامل بوحش !!
الدكتورهـ حطت جهاز على بطن أمي وبدأت تحرك يمين يسار فوق تحت وههم يشوفوني
على الشاشه
عاد أنا قمت أتدلع واحرك رجلي وأفتح عيوني وأغمضها بنعومهـ وأمص أصبعي .,
وأمي وأبويا يتبادلون نظرات الحب والرومانسيه ووزعوون ابتسامات ويوم شالت
الجهاز وإنقطعت عن الرؤيه
وأنا أقول فكهـ جنه عمرهم ماشافوا يااهل
عاد سألت أمي الدكتورهـ متى موعد الولادة قالت باقي شهرين سمعت الخبر
وييني إنهيار عصبي شهرين يالمفتريه خلاص أنا ملييت زهقت الجووو حار مافيه
الا مكيف صحرواي حتى مايبرد
قلت مايصبرنا غير النوم ونمت شهرين (نومة أهل الكهف)
قمت من النوم وحسيت بملل وفراغ قاتل حاولت أرفهـ عن نفسي ورحت ألعب لعبة
الحبل بإستخدام الحبل السري
وأقعدت أناقز وأغني شبره أمره شمس نجوم كواكب هواء واحد اثنين ثلاثه
هيييييييييييييييه ...
وفجأه من قوة النقزه تزحلقت وأنقلبت صار راسي تحت وريولي فوق قامت أمي
تصررخ .,
أخذها أبوي على طووول لأقرب مستشفى قال الطبيب هذي ولااااااااده لما سمعت
الخبر وأنا أفرح مابغينا نطلع
وبديت أكشخ وارتب حالي أستعد للقاء الأول مع صديقي بالحضانهـ
وأمي كل شوي تتعالى صرخاتها حطوها على السرير متوجهين لغرفة الولاااااده
وأبوي يمشي جنبها
ويقولها لاتخافين أنا معاج ترد أمي أخاف أموت وانا اولد , أبوي رد عليها
والدموع تنهمر من عينه يعل يومي قبل يومج
< متأثر بأفلم
وأنا أقول ماوصلنا لغرفة الولادهـ اختنقنا ياهوه هوّوووووووونا .,
طبعاً نقلوا أمي لسرير الموجود بالغرفه وجاء الدكتور ومعاه النيرسات .,
قال الدكتور لأمي زفيييييييييير أمي فهمتها عكس عطتها شهييييييييييق واذا
انا اللي أنشفط وأدخل جوّووا طقيت أمي بكوعي
قلتلها يقولج زفير زفير الظاهر أمي سمعتني وزفرت زفرة وتدفعني أمي بقوه
وأنا طلعت و سرعتي 180 ميغابايت
وطلع كل شي فيني الا خشمي قلت لحووووول هذا اللي كنت خايف منه
إستدعى الدكتور الطاقم الطبي عشان يطلعون خشمي حاولوا المرهـ الأولى
والثانيه مانفع وبعد ثالث محاوله طلعوهـ ( الثالثه ثابتهـ )
جلست أبجي وأقول للدكتور غض البصر
وتشيلني النيرس على يدها وتلفني بذاك الأبيض
ياسلاااااااام وأخيرا انتهت معاااناتي
أسف طولت عليكمِ <
