أناحبر الورق وانتي قصيده كلها احزان
اسافر في ثناياها اعانق موجة احزاني
شراعي حب والقارب مشاعر وانتي العنوان
وبحر الحب والمرسى وانتي نصفي الثاني
أهيم بحضنك الدافي اخفف لوعة ا لحرمان
واصور للسماء حزني وعرفها بحرماني
وادورفي حروف الشوق شبيه التايه الحيران
واغرد في سماء حبك واترجم باقي الحاني
اشتت با لغناء همي اسلي قلبي ا لولهان
أحاول كثر ما قدر عسى والهم ينساني
عجزت أوصل أو اتناسى أو اطوي صفحة النسيان
واصادر باقي الذكرى وصرخة قلبي الحاني
ولهفة روح مجروحه ودمعه في عيون انسان
أحاول أرسمك صوره وقلبٍ كان يهواني
تذكرته بدون اشعورشفته داخل ا لفنجان
مبلل والشعر منثور يسبح وسط فنجاني
وفي كفه ورود وشوك ملفوفه بدون اغصان
ونظراته ألم وجروح أثارت كل أشجاني
تبي تصرخ وتتكلم0تبي تروي ظماء عطشان
ولكن صمتهاالمجهول سقاها صمت واسقاني
تذكرتك وشوقي زاد واستهوتني الألحان
واظن انك نسيتيني ولك غيري غلا ثاني
انا دمعة عشق سالت على صدر ا لورق ا لوان
أنا المظلوم في دنياي0وانا في حبك الجاني
أنا ذكرى نسيتيها وفي دنياك ماضي كان
انا جرح الزمن وانتي0زمن بالجرح اعياني
اسولف قد ما سولف احس اني انا ا لغلطان
أحس اني بقايا هم وماضي حبي ابكاني
أنا وانتي سرا ب وليل حكمنا البعد والهجران
تقاسمناالحزن والهم0 والموعد بدا فاني
وبسمة طفل مجروحه توارت ياصدى الوجدان
بين الحزن والدمعه وفي جرحي وشرياني
اباتأسف تذكرتك ودمعي في عيوني بان
غصب عني تذكرتك وشوق ا لشوق ناداني
أناوانتي قصيدة حب0 منظومه بدون اتقان
أجل هذااناوانتي ياأول وآخر ا لحاني
مع تحيات:super-star
