أحلف ان ما صادك
موقف من هالمواقف او انك ماسويت هالشيء في المدرسة .. سواء كنت ولد أو بنت
.... و اتمنى محد يزعــــــــل .. و اللي بيزعل لا يكمـــل قراءة الموضوع
[1- حصلت طرد من الصف بسبب شيطانتك أو انك ما حليت
الواجب
2- شقحت من سووور المدرســـة
3- خلصـــت الفسحة و انــت ما كلت شيء من الزحمة في المقصف او الكفتريا
4- ذبحت روحك من الدراسة و واثق ان اللي سويته في الأختبار كله صح و انك
بتيييب درجة كاملة .. و انصدمت انك حصلت درجة على حافة النجاح
5- انقص سير شنطة الكتـــب
6- شدخت من فوق الدري جدام الطلبه و ضحكوا عليك
7- بدلت جدول الكتب بالغالط : يعني بدلت كتبك ليوم الأثنين و رحت المدرسة و
طلع ان اليوم يوم الأربعاء و ما يتم احد و ما يعطيك من الراش و يفشلك جدام
الطلبة و هني انت تدور لك زاوية علشان تدعس ويهك فيها من الفشيلة
8- حطيت راسك على الطاولة و نمت و تميت تشاخر و دخل عليك الأستاذ أو
المعلمة و عطوك من الكلام الزين
9- صار تفتيش و انت عندك شي ممنوع مثل " سجاير أو تلفون أو مكياج " و توهقت
و ما عرفت وين تخشه
10- كنت شارد أو متسرب من الحصة و صادوك و هزؤك و عطوك استدعاء ولي امر
11- غشيت في الأمتحان و صادوك و حرموك من المادة
للبنات: كنتي فاطرة في رمضان و صادتج المعلمة
تتعلجين او تاكلين و قالت لج قلة ادب او ما تستحين
13- للبنات : لابسه اكسسوار و مسويه روحج كلش عسبالج رايحه عرس و صادتج
المشرفة و شالته عنج و حرقت قلبج , و انتي ذابحه روحج ليلتها في السوق
تدورين و تناسقين و تفكرين في نوع الأكسسوار اللي بتلبسينه و في النهايه
شالوه عنج.. ههه
14- للبنات: تهاوشتي مع بنت و ذي البنت مجعت شعرج او انتي مجعتي شعرها و
خربتوا برستيج بعض ..
15- للبنات : طق المطر و انتي شعرج مسويته استشوار و تقرض و قعد في محله
اي أحـــد بيرد على الموضوع يكتب شو صاده منهم اوكي
