يـــــمــــكـــــن !
كل شيء في هالحياة ما بين ممكن ومستحيل ، ونرفض الثانية حتى نحصل على الأولى ونتشبث فيها ..
يمكن تكون الحياة بائسة ومليئة بالأحزان !
لكن ممكن تكون حلوة لو شفنا العالم الآخر !
يمكن يكون المرض يهدنا أيام وسنين !
لكن ممكن يكون ابتلاء نكسب منه الحسنات !
يمكن يكون الألم نقمة !
لكن يمكن يكون نعمة !
يمكن أفقد نعمة من نعم الله علي في يوم من الأيام !
لكن ممكن أن انتبه من الآن واحمده على كل شيء !
يمكن أنسى الحزن !
لكن ممكن ما أنسى الجرح وأثاره !
يمكن اتذكر الفرحة بكل ساعاتها !
لكن ممكن أنسى من نسوا يشاركوني فيها !
يمكن أفشل بمشاريع وايدة وخطط وايدة !
لكن ما يمكن أني أتعلم من كل فشل مليون شيء وشيء !
يمكن وعدت وايدين بس ما نفذت !
لكن ممكن أني نسيت لضيق الأمور وهي صفة انسانية في الانسان هذا النسيان !
يمكن جرحت وأخطيت بحق أحد في يوم من الأيام
بقصد أو دون قصد !
لكن مو ممكن أني ما اعتذر واعترف بالخطأ !
يمكن قدّموا لي وايد وما مدى الوقت اشكرهم !
لكن مو ممكن أني ما اذكرهم ولو بدعوة صادقة تسعدهم !
يمكن تكون هذه آخر كتاباتي !
لكن ممكن ما تكون آخر شيء في عالمي !
